Rato e Lura queren recomendarvos os contos como un dos mellores entretementos cos que pasar o tempo cos cativos e cativas.
Na EEI Caamaño contamos cun lugar moi especial chamado "O remanso" onde entre outras cousas podemos atopar moitos contos. Recordando todos os que temos expostos neste lugar, imos facervos unhas recomendacións.
Chegou decembro e chegou polo tanto o tempo do Apalpador. Tempo para que este veterano carboeiro baixe dende as montañas do Caurel, para baixar á casa de todos os nenos e nenas de Galicia.
Deixou o Caurel atrás e tras varios días viaxando deu por pasar por Caamaño. Creemos que debeu empregar a nosa escola para resgardarse da noite de choiva, pois unha mañá na que chegamos ao noso cole descubrimos no medio da aula as súas botas...
Entre as botas un pouco de terra... de seguro que a foi apañando no calzado ao longo do seu camiño a través das montañas. Moi preto das botas un pequeno feixe de leña e ao seu carón, 3 xogos de madeira, como ben nos contara o noso profe, todo canto o Apalpador fai, é de madeira.
Era tempo de aprender a empregar e de xogar cos agasallos que o Apalpador nos deixou ao seu paso...
Todos os agasallos...
Construcións con leña
Serie numérica e configuración de series con fichas de madeira.
Aprendemos a poñer os cordóns nunha bota de madeira, para despois iniciarnos no complicado proceso de atalos.
Xogo de parellas de madeira no que poñemos en práctica a nosa concentración e a nosa memoria.
O Apalpador procedía dos elevados cumes da Serra do Caurel, unha serra da que xa oíramos falar cando tivemos a oportunidade de ler o conto de "A princesa do Caurel". Pero... tiñamos ganas de coñecela, de saber como era. É por iso que empregamos "google maps" para introducir o nome CAUREL e situala no mapa, atopar fotos onde puidésemos ver como era...
Rexistramos os nosos achádegos escribindo a palabra CAUREL, recortando e pegando unha foto deste fermoso lugar, e outra da peculiar casa do Apalpador, unha pequena cabana de madeira.
Observando ao Apalpador puidemos analizar algunhas das súas características físicas máis reseñables. Unha das cusas das que nos demos conta, é que o Apalpador era un home robusto... bueno... quen di robusto di... algo gordiño. Canto pesaría o Apalpador? E mellor aínda, canto pesariamos cada un de nós? Fixemos a proba... cunha pesa no cole pesámonos para comprobar canto pesábamos cada un e que números era necesario empregar para compoñer o noso díxito. O Apalpador?... o Apalpador érache tan gordo que mentres nós utilizamos dous números, el emprega tres...
Pero... observando ao Apalpador démonos conta doutra cousa... tiña un pé moito máis grande ca o noso, feito demostrable coas botas que deixara olvidadas na nosa escola. Canto mediría a súa bota? Que número calzaría? e mellor ainda.., Que número calzaría cada un de nós?
Medimos a lonxitude da bota do Apalpador facendo ao seu lado unha ringleira de pinzas.
Escribimos a palabra "botas", identificando as diferentes letras que a compoñen.
Buscamos nas nosas zapatillas o número que calzamos. Identificamos os díxitos e anotámolos.
Foron días tamén de coñecer a historia do Apalpador como máis nos gusta, a través dos contos.
Tivemos tamén a oportunidade de cantar e bailar ao son de cancións onde o Apalpador era o protagonista...
Agora comezan as vacacións pero á volta continuaremos traballando, xogando e investigando... e vós si queredes podedes velo todo seguíndonos neste blog e tamén na nosa páxina de facebook.
Bo Nadal
Próspero ano novo.
#Sabías que? Tal e como che dixemos antes no Caurel tamén vive a Princesa do Caurel. Este é o seu conto e a súa canción...
Chegou o outono a Caamaño e por ese motivo na nosa escola estivemos desenvolvendo un proxecto onde esta estación foi a protagonista.
Folerpa foi a encargada de ir introducindo nas asambleas distintos recursos, palabras, imaxes... relacionadas co outono. Seguimos iniciándonos na programación e na robótica e á súa vez, traballamos contidos relacionados co proxecto no que nos centramos neste momento.
Folerpa foi a encargada de deixar sobre o seu taboleiro distintas letras que tivemos que ir recollendo co fin de compoñer unha palabra, OUTONO. Cada un compuxo e escribeu a súa.
Coas piñas tan típicas do outono levamos a cabo un obradoiro de expresión artística nas que convertimos estas en curuxas. Cada un e cada unha empregou as cores que máis lle gustaron para elaborar a súa.
Houbo un día no que Folerpa amenceu cun remolque amarrado ao seu traseiro. Con este remolque foi recollendo todas as castañas que apareceran sobre o seu taboleiro. Como facemos para ir recollendo todas as castañas? Cantas xuntamos ao final? Poderá con todas á vez ou repartímolas en varios viaxes? si o facemos? cantas levará en cada viaxe?
Coas castañas levamos a cabo distintas actividades nas que desenvolvemos contidos relacionados coa lectura, a escritura ou a lóxica-matemática.
Sobre a mesa ian aparecendo cartóns con distintos números que nos indicaban cantas castañas tiñamos que coller da bandexa. Os números ían rotando e a cantidade de castañas que colliamos de cada vez ían variando.
Coas castañas tamén levamos a cabo medicións, pois un día Rato e máis Lura deixáronnos no medio da aula unha caixa chea de leña. Cada un de nós colleu un pequeno tronco para medilo. Medímolo empregando castañas as cales iamos poñéndoas en fila formando unha ringleira, canto mide o teu tronco?
Sobre as castañas tamén escribimos os nosos nomes. Primeiro recollemos tantas castañas coma letras ten o noso nome. Despois escribimos en cada castaña unha letra. Cando xa tiñamos o traballo feito "o vento bandido" non nos esfarrapou o vestido coma a Cebra Camila, pero si nos mezclou as nosas castañas coas dos nosos compañeiros/as. Entre todas elas tivemos que atopar as nosas letras para compoñer de novo o noso nome.
Coa leña que nos trouxeron Rato e Lura creamos un xogo de construción, con el creamos distintas composición e levamos a cabo a representación de entre outras cousas, do esquema corporal.
Coa leña levamos a cabo tamén un obradoiro de troncos tribais.
Rato e Lura sonche amigas de traer para o cole todo canto se lle ocorre, por ese motivo houbo un día que trouxeron unhas olas de barro. Con elas fixemos distintas actividades, unha delas chamouse "Castañas á ola". A baralla numérica ianos indicando o número de castañas que tiña que haber dentro da ola, polo que nós tiñamos que añadir ou sustraer as que fixesen falta segundo o número que nos tocara.
As olas servíronnos tamén como recurso para levar a cabo unha actividade chamada "Caldo de letras". Dentro da ola atopamos moitas letras, un auténtico caldo de letras, das que tiñamos que ir retirando as necesarias para ir compoñendo palabras propias do outono como, LEÑA, CASATAÑA, MAGOSTO, OUTONO ou COGOMELO.
Estas mesmas palabras foron as mesmas que empregamos para levar a cabo unha actividade na que fixemos unha composición con depresores coa que pretendiamos representar unha folla de outono. En cada depresor escribimos unha palabra.
E como de outono iba o proxecto fixemos tamén un pequeno obradoiro no que plasmamos con acuarelas as cores máis características desta época do ano.
Outono, tempo de cogomelos. Saímos a pasear por Caamaño na procura de Cogomelos. Para poder identificalos previamente entre todos descargamos unha aplicación coa que poder obter máis información. Fomos moi equipados con guantes para poder recoller os cogomelos e unha caixa de cartón para poder gardalos.
O obxectivo era atopar cogomelos pero ben e certo que no camiño vimos ovellas, cabalos, fontes e ríos... fartámonos de camiñar e de explorar para ensinarlle ao profe o fermoso que é este lugar.
Remata aqui esta a entrada, a seguinte versará sobre todos os nosos achádegos sobre a figura do Apalpador
