ISLANDIA

WEBQUEST SOBRE ISLANDIA

INTRODUCIÓN

Familias:

Atopádesvos nunha webquest adicada a Islandia. Imos a utlizar a ferramenta webquest para aprender moitas cousas sobre este fermoso e extraño país... ISLANDIA. Traballar a través de webquest supón que os nenos/as empreguen recuros relacionados con iternet para aprender novas cousas. Imos precisar da vosa colaboración, xa que si o desexades, podedes facer que os nenos e nenas cheguen ó cole con moitas ideas da casa, xa que vos darei a oportunidade de que traballedes con eles parte dos contidos que posteriormente veremos no cole. Tan só tedes que ir ó apartado de TAREAS para ver que é o que tedes que facer, e ó de RECURSOS para visionar o material relacionado con cada tarea. Moitas gracias pola vosa colaboración.

dende que comezamos...

Coñecemos algun dos lugares máis característicos de Islandia. Descubrimos Reikiavik, a cidade do pirarta Runnar, e coñecemos a igrexa de Hillgrumir.
Coñecemos o geiser de Haukadalur.
Adentrámonos no rio de lava de Holuhraun.
Tocamos as areas negras da praia de Dyrholaos
...

TAREAS

En VERMELLO as tareas para relizar na casa en familia, si o desexades e tedes oportunidade. Busca aquelas que non estén realizadas.

Os RECURSOS podedes atopalos ó rematar o apartado de TAREAS.

Botade unha ollada tamén ás actividades relizadas durante estas dúas últimas semanas na aula.

ACTIVIDADE 1. REALIZADA
Dalle ó PLAY neste video e os nenos/as descubrirán cal é a misteriorsa personaxe que nos visitará o luns na clase e nos ensinará moitas cousas sobre ISLANDIA. Dádelle ó play e deixade que os nenos vexan o video dende que o folio está en blanco, para que pouco a pouco descubran de que se trata. 
(RECURSO 1)


ACTIVIDADE 2  REALIZADA
Pincha sobre a imaxe para que os nenos/as coñezan á nosa personaxe misteriosa e o seu nome.  
(RECURSO 2)

ACTIVIDADE 3 REALIZADA
Déixovos un video de 4 minutos sobre diferentes razóns polas que Islandia resulta ser un país moi interesante. Podedes velo, escoller unha de todas esas cousas, a que consideredes, e contarlla como curiosidade ó voso neno/a. Recordade, escollede unha única cousa para non confundilos con demasiada información. 
(RECURSO 3)


ACTIVIDADE 4 REALIZADA

Nun folio en branco os nenos/as deberán debuxar o tempo que fai en Islandia o sábado e o domingo. Se chove debuxarán nuves e choiva, se fai sol un sol... Anotarán á súa vez a temperatura que fai nese momento en Islandia. Para realizar esta actividade debedes empregar o recurso aqui indicado.
(RECURSO 7)

Traballo realizado por M. M. L Coa axudas dos seus familiares analizou dende a súa casa o estado do tempo en Islandia o sábado 11 de novembro. Identificando que era un día de choiva no que a temperatura máxima foi de 3 graos. 

Traballo realizado por B.S.F. Dende a súa casa e empregando o noso blog, analizou a temperatura en Reikiavik, Islandia. O domingo 12 de novelmbro a temperatura foi de -2 graos e no ceo lucía o sol. B.S.F, aproveitou para representar a Igrexa de Hallgrínur de Reikiavik.

ACTIVIDADE 5  REALIZADA
Descubride da man dos nenos que é unha casa de turba. Podedes ver un pequeno video no recurso 9, ademáis dunha foto da casa do pirata Runnar.
(RECURSO 9)

M.M.L veu na casa o video sobre as casas de turba, e despois de traballalas durante toda a semana no cole, decideu por iniciativa propia, debuxar a súa propia casa islandesa.

ACTIVIDADE 5  REALIZADA
Sabedes o que é un Geiser?? Pois se non o sabedes podedes descubrilo no recurso 10. O vindeiro luns falaremos sobre os Geiser, xa que en Islandia hai uns cantos.
(RECURSO 10)

M.M.L debuxou este geiser, despois de ver con seus pais o video do geiser islandés de Haukadalur. Bo traballo!!


En AZUL tareas que os nenos levarán a cabo na aula a partir de agora, en base ó traballado na casa.
(Iremos añadindo imaxes das diferentes actividades segundo se vaian realizando)

SEMANA DO LUNS 30 DE OUTUBRO Ó VENRES 3 NOVEMBRO 

ASAMBLEA
 - A quen coñecéchedes este fin de semana? De onde ven?
Coñecemos a RUNNAR e o seu país, ISLANDIA. Traballamos o cocepto de ILLA, observamos unha imaxe aérea de Islandia para comprobar o que é unha illa. Introducimos de cara a outras actividades a existencia de VOLCÁNS na illa.
-Consultamos o tempo en Islandia.
-Vemos Islandia en directo a través dunha webcan situada en Reykjavik.
-Descubrimos que moi cerca de nós tamén hai illas, coñecemos CÍES, ONS, SÁLVORA e CORTEGADA. 

Estes son algúns dos conceptos que os nenos trouxeron da casa. Runnar é un pirata que ven dende unha illa lonxana. Esa illa chámase ISLANDIA. Nela hai moitas cousas, entre elas, volcáns, moito xeo, a algunhas piscinas de auga quente.


RECANTO DOS ARTISTAS: ACTIVIDADE 1
Realización dun mural exterior no corredor do cole. Neste mural imos representar 4 illas próximas a nós, Cíes,  Ons, Sálvora e Cortegada. Acabamos de coñecer a RUUNAR o pirata que ven dende ISLANDIA. De Islandia o primeiro que coñecemos e que é unha ILLA, por iso decidimos representar nun mural algunhas das illas máis características da nosa xeografía. 

Traballamos no mural do corredor no que representaremos 4 das illas próximas ás nosas casas, Cíes, Ons, Sálvora e Cortegada.
 

RECANTO DOS NÚMEROS: ACTIVIDADE 2
Sobre un mapa mundi impreso polo mestre, sinalamos ISLANDIA e GALICIA/ESPAÑA. Trazamos unha recta entre ambos lugares. Medimos en cm e cunha regra a distancia entre ambos puntos. Recordamos o país que descubrimos o curso pasado, POLONIA. Sinalamos POLONIA no mapa e trazamos unha recta dende Galicia/España. Medimos dita recta. Comparamos as 2 rectas e repasamos con rotulador vermello a recta máis longa e con azul a recta máis curta.

Identificamos Islandia, España e Polonia, trazamos pontes entre os diferentes países e medímolos.


RECANTO DAS LETRAS: ACTIVIDADE 3
Actividade impresa. Sobre un volcán desparramadas aparecen diferentes letras. Os nenos deberán identificar e rodear aquelas que están presentes na palabra ISLANDIA. Na base do volcán escribirán a palabra VOLCÁN. Unha vez escrita buscarán se algunha das letras desta palabra coincide con algunha das dos seu nome. Si é así, no reverso do folio trazarán dita letra, e posteriormente compoñerana sobre o folio con plastilina.

 

RECANTO "FAINO TI SÓ": ACTIVIDADE 4 (RECURSO 4)
Acudimos ó recanto do ordenador e accdemos ó noso blog. Buscaremos o apartado de recursos onde atoparemos o enlace que leva a GOOGLE MAPS. Nesta plataforma introduciremos o nome de ISLANDIA para poder atopalo. Imprimimos a imaxe e pegámola sobre unha cartulina. Na imaxe recoñeceremos as principais características dunha illa, "un pedazo de terra rodeada de auga". Escribimos a palabra ILLA.

________________________________________________________________________________
________________________________________________________________________________


ACTIVIDADES DE AULA SEMANA DO LUNS 6 Ó VENRES 10 DE NOVEMBRO


ASAMBLEA
Empregamos a PDI para viaxar ata ISLANDIA. O encargado/a utilizará "Google Maps" para que viaxemos ata esta illa e fagamos unha visita a vista de satélite a un lugar moi especial HOLUHRAUN. Descubrimos que en Islandia hai un rio de lume. 
RECURSO 5
Consultamos o tempo en Islandia.
 RECURSO 7
Vemos Islandia en directo a través dunha cámara web.
 RECURSO 6

RECANTO DOS ARTISTAS: ACTIVIDADE 1
Continuamos coa realización do mural no corredor exterior anexo á nosa aula. Rematadas as illas, proseguimos coa súa identificación. Escribimos os seus nomes e pegamos un cartel identificativo. Pintamos o mar empregando témpera e esponchas. Identificamos este mar como o Océano Atlántico, o mesmo mar que baña as nosas illas, é o que baña Islandia. Escribimos as palabras Océano Atlántico.
Iniciamos un novo mural no que representamos Islandia.

RECANTO DOS NÚMEROS: ACTIVIDADE 2
Completa o debuxo do volcán coloreando cada número da cor indicada.



RECANTO DAS LETRAS: ACTIVIDADE 3 
Atopámonos unha paisaxe na que observamos un rio. Coloreamos para representar un rio de lava como o que coñecemos de Islandia. Debaixo do rio de lava atopamos 4 palabras. Rodeamos as palabras axeitadas para describir a paisaxe ante a que nos atopamos.

RECANTO "FAINO TI SÓ": ACTIVIDADE 4
Acudimos ó recanto do ordenador. Empregamos os enlaces para analizar o tempo en Islandia e comparalo co tempo da Pobra do Caramiñal. Rexistramos os datos optidos, debuxamos o tempo atmosférico, establecemos a temperatura en graos e comparámolas.

_____________________________________________________________________________
_____________________________________________________________________________

ACTIVIDADES DE AULA DO LUNS 13 Ó VENRES 17 DE NOVEMBRO

 ASAMBLEA
-Recordamos algúns dos principais conceptos traballados ata o de agora sobre Islandia: Illa, volcán, río de lava, xeo... Observamos os traballos realizados polos nenos durante o fin de semana, e os datos rexistrados.

-Descubimos Dyrholaos, unha das praias de areas negras de ISLANDIA.
 (RECURSO 8)

- Conectamos en directo con Reykjavik, a vila de Runnar, para ver que tempo nos atopamos.  
(RECURSO 6)

-Observamos o estado do tempo en ISLANDIA.  
(RECURSO 7)


 RECANTO DOS ARTISTAS: ACTIVIDADE 1.

Continuamos coa realización do mural exterior da aula. Rematado o mapa das illas galegas, Ons, Cíes, Sálvora e Cortegada, centrámonos agora na realización dun mapa de Islandia. Observaremos e representaremos as zonas de vexetación marcadas coa cor verde, e representaremos as zonas actualmente xeadas en Islandia, empregando papel hixiénico e auga con cola. 

 

RECANTO DOS NÚMEROS: ACTIVIDADE 2.

Imos analizar o tempo que se deu en Islandia durante os últimos días en Islandia. Para realizar esta actividade teremos en conta os datos recollidos na casa polo nenos, realizalndo a actividade proposta. Analizaremos tanto o estado do ceo, como as temperaturas. Rexitraremos e observaremos, buscando as temperaturas máis altas e máis baixas. Contaremos os días de choiva, o días de neve, os días de sol... 
(RECURSO 7) 

RECANTO DAS LETRAS: ACTIVIDADE 3
Localiza na tormenta das palabras todas aquelas palabras relacionadas co centro de interese que estamos traballando. Escolle 2 destas palabras e representaas gráficamente (debuxo libre). Fai un reconto de todas as cousas que coñeces de Islandia tendo en conta as palabras recoñecidas dentro da tormenta.

RECANTO "FAINO TI SÓ": ACTIVIDADE 4
Facemos un obradoiro no que coñecermos a praia de Dyrholaos, unha peculiar praia na que nos atopamos area negra.
(RECURSO 8)

_____________________________________________________________________________

_____________________________________________________________________________

ACTIVIDADES DE AULA DO LUNS 20 Ó VENRES 24 DE NOVEMBRO

 ASAMBLEA

- Recordamos algúns dos lugares máis característicos de Islandia:

- Dyrholaos, unha das praias de areas negras .

 (RECURSO 8)

- Holuhraun, rio de lava.

(RECURSO 5)

- Saímos ó corredor a observas o noso mural das illas. Descubrimos que todas elas están rodeadas por un mesmo mar. O Oceano Atlántico.

-Observamos as principais características das casas típicas islandesas. Coñecemos a casa do pirata Runnar, e descubrimos as casas de Turba.

(RECURSO 9)

-Observamos o estado do tempo en ISLANDIA.  

(RECURSO 7)

Esta semana en base ó descubrimento da casa de Turba do pirata Runnar en Reikiavik, traballaremos contidos relacionados coas partes da casa e as tarefas do fogar.

 RECANTO DOS ARTISTAS: ACTIVIDADE 1.

Realizamos un obradoiro no que representaremos en miniatura as casas de Turba. Empregaremos depresores, cartulina, pegamento, tesoiras e rotuladores.

Casa Turba rematada

RECANTO DOS NÚMEROS: ACTIVIDADE 2.

Observa a imaxe do recurso 9, "casas turba" e atopa o número total de cada un destes elementos: xanelas, portas, e bandeiras. A continuación realizamos unha nova actividade na que teremos que facer agrupamentos a partir das cantidades traballadas na actividade impresa anterior.

RECANTO DAS LETRAS: ACTIVIDADE 3

Identifica os diferentes lugares da casa que aparecen na actividade impresa. Escribe o seu nome. Relaciona cada un dos obxectos da lista co seu lugar na casa.

RECANTO "FAINO TI SÓ": ACTIVIDADE 4

Tarefas do fogar.
Realizamos diferentes actividades relacionadas coas tareas do fogar. Lavamos os vasos da merenda con auga e xabrón. Ordeamos o armario dos disfraces colocando cada prenda na súa caixa e na súa percha.

__________________________________________________________________________________________________________________________________________________________________

ACTIVIDADES DE AULA DO LUNS 27 DE NOVEMBRO Ó VENRES 1 DECEMBRO

 ASAMBLEA

- O tempo en Islandia
(RECURSO 7)

-Islandia en directo desde Reikiavik
(RECRUSO 6)

-Alguén sabe o que é un Geiser? Posta en común.
Observamos os videos sobre o Geiser recollidos no recurso 10
(RECURSO 10)

-Un Geiser no patio do cole. Creamos un conxunto de geiseres no noso areeiro do patio do cole. Unha vez rematado, por pequenos grupos, accionaremos todos e cada un dos geiseres colocados.
(Empregaremos gaseosa. mentos e sal)

RECANDO DOS ARTISTAS: ACTIVIDADE 1

Representamos un geiser sobre papel continuo. Empregamos pinceis, rodillos e acuarelas.
Posteriormente levamos a cabo unha actividade impresa na que con pegatinas completaremos os diferentes chorros dun geiser. Identificaremos cal é o chorro con máis pegatinas, e cal é o que ten menos.

RECANTO DOS NÚMEROS: ACTIVIDADE 2

No recanto dos números os nenos/as realizarán unha actividade na que terán que traballar con tiras de papel de diferentes medidas de lonxitude. Sobre un folio representarán 5 geiseres. Deberán ordenar as tiras que representan o chorro de auga, da máis pequena  á máis grande. Unha vez ordeadas atendendo á súa lonxitude, utilizarán a regla para medilas.

RECANTO DAS LETRAS: ACTIVIDADE 3

Os nenos/as recollerán no rincón unha tarxeta cunha palabra islandesa, HAUKADALUR. Deberán acudir ó recanto do ordenador para acceder a internet e buscar unha imaxe representativa deste lugar e imprimila, para así descubrir de que se trata. Xa de volta no recanto, pegarán a imaxe na metade dun folio, e na outra metada tentarán representar a través dun debuxo a imaxe que están observando. Finalmente escribirán a palabra Haukadalur ó pé da primeira imaxe, e a palabra geiser ó pé do debuxo creado por eles/as.

RECANTO DO "FAINO TI SÓ": ACTIVIDADE 4
Creamos neste rincón o noso propio geiser. Empregaremos probetas, gaseosa e mentos. Cada cativo/a accionará o seu propio geiser, empregando os 3 recursos de forma autónoma. Posteriormente faremos un rexistro dos pasos a seguir para o correcto funcionamento do geiser tomando nota con lápiz e papel.

_________________________________________________________________________________
_________________________________________________________________________________

ACTIVIDADES DE AULA DO LUNS 4 Ó VENRES 15 DE DECEMBRO

 ASAMBLEA

- O tempo en Islandia
(RECURSO 7)

-Islandia en directo desde Reikiavik
(RECRUSO 6)

-Descubrimos as Auroras Boreales.

(RECURSO 11)

RECANDO DOS ARTISTAS: ACTIVIDADE 1

Imos a representar unha "Aurora Boreal" no recanto dos artistas. Para elo, empregaremos leite enteira, colorante, xabrón líquido e bastonciños para a limpeza das orellas.
Os nenos/as irán introducindo nun plato os diferentes elementos e xogarán a crear a súa propia Aurora Boreal experimentando coa fusión das cores. Posteriormente realizarán un rexistro dos recursos utilizados para  a realización desta actividade.

RECANTO DOS NÚMEROS: ACTIVIDADE 2

Imos empregar as cores da Aurora Boreal para levar a cabo unha actividade con auga de cores. Os nenos/as do recanto deberán traballar de forma conxunta para conseguir rellenar cada un dos botes que teñen ante sí con auga. Cada un dos botes terá unha tarxeta asociada na que se recollerá a medida ata que deben rellenar cada un deles con auga. Unha vez están todos os botes cheos, tintarán cada un deles con un colorante de cada cor. Finalmente analizarán de que cor hai máis e de que cor hai menos, coloreando unha cinta de maior ou menor tamaño segundo a cantidade de auga de cada cor.

RECANTO DAS LETRAS: ACTIVIDADE 3

O mestre vainos contar neste recanto dúas lendas sobre o porqué se forman as Auroras Boreales. Unha das lendas fala que é un raposo o que correndo veloz e rápido sobre a neve, arrastra a súa cola de forma que gracias ó contacto desta coa neve, xorden chispas de cores. Outra das lendas que nos contará o profe no recanto das letras, fala sobre as baleas. Dita lenda explica que son as baleas as que crean as Auroras Boreales, gracias ós seus chorros de auga de cores.

Unha vez escoitadas as dúas lendas, escolleremos a que máis nos gusta, e traballaremos sobre un debuxo ou dun raposo ou dunha balea. Escribiremos as palabras axeitadas para explicar o que estamos representando no debuxo. Finalmente, crearemos unha Aurora Boreal sobre o animal escollido, empregando confeti de cores.

RECANTO "FAINO TI SÓ": ACTIVIDADE 4

Neste recanto os nenos deberán recopilar o material necesario para a execución da tarea. Cartulinas negras, témpera e pinceles. Sobre a cartulina representarán unha Aurora Boreal na que mesturarán diferentes cores. Unha vez finalizada a tarea serán os propios nenos/as os que se encarguen de limpar e ubicar o material no seu lugar correspondente.

 _____________________________________________________

  

RECURSOS

RECURSO 1

RECURSO 2

RECURSO 3

 

RECURSO 4

GOOGLE MAPS

RECURSO 5

 

RECURSO 6

CÁMARA EN DIRECTO DENDE A CAPTIAL DE ISLANDIA

 

RECURSO 7

O TEMPO EN ISLANDIA 

RECURSO 8

PRAIA DE DYRHOLAOS 

(PRAIA DE AREAS NEGRAS)

#Do minuto 2 ao minuto 3.

RECURSO 9

A CASA DO PIRATA RUNNAR

DESCUBRIMOS QUE AS CASAS ISLANDESAS CHÁMANSE "CASAS DE TURBA"

 

 RECURSO 10

GEISER EN ISLANDIA

QUE E UN GEISER? DEBUXOS ANIMADOS

RECURSO 11
AURORA BOREAL

CREA MATERIAL DE AULA DE FORMA RÁPIDA E ECONÓMICA

Nesta nova entrada deixámosvos 3 exemplos de material que podemos crear para a nosa casa, ou para a nosa aula, dunha forma fácil, rápida e moi económica.

PUZZLE XEOMÉTRICO

Empregando cartulina de colores e unhas tesoiras crearemos de forma rápida un puzzle de formas xeométricas para que os nenos e nenas poidan traballar e aprender con el. Fomentaremos o desenvolvemento das capacidades relacionadas coa lóxica-matemática e a autonomía. A complexidade da actividade pode nivelarse segundo o número de pezas incluídas no xogo. Promoveremos o razoamento do nenos se aumentamos o número de pezas e simplificarémolo si este número se ve reducido, e as opcións para completalo son menores.

ATA CORDÓNS

É este un recurso moi útil nas aulas de infantil, xa que o abotoado e o atado dos cordóns son dúas accións básicas no día a día dos nenos. Contar con este recurso e ensinarlle ós nenos/as a empregalo e a executar a actividade dunha forma correcta, conlevará unha maior autonomía para el, nunha actividade que realiza a diario.

GUSANO NUMÉRICO

O gusano numérico serviranos para que os nenos traballen a numeración e reconto. O gusano poderá ter tantos círculos e fichas como se desexe para complicar máis ou menos a actividade. As variantes para a súa utilización son diversas. Podemos deixar que os nenos/as completen a serie numérica do 1 ó 9 para comezar. Posteriormente podemos propoñerlle que a serie numérica sexa realizada á inversa, do 9 ó 1. Outra proposta pode ser dispoñer sobre o gusano algunhas das fichas numeradas, e que os nenos/as completen os ocos que faltan de forma correcta. Unha variante para esta última opoción, sería colocar as fichas numéricas sobre o gusano de forma incorrecta, para que eles/as fagan as correcións oportunas por si sós.

RECOMENDACIÓN DE CONTOS PARA SAMAÍN.

RECOMENDACIÓN DE CONTOS PARA O SAMAÍN

Nesta nova entrada queremos recomendarvos algúns títulos cun nexo en común, o medo. Deixámosvos un listado de contos axeitados para traballar o medo e, nas datas nas que estamos, a celebración do Samaín. Todos eles son axeitados para traballar con nenos e nenas de 3, 4 e 5 anos, ainda que... debemos ter en conta que uns dan máis medo que outros, e que debemos xestionar ben "como o contamos" a sabendas dos nenos e nenas ante os que nos atopamos.

A BRUXA REGAÑADENTES.

A bruxa regañadentes é un conto de OQO editora escrito por Tina Meroto. Trátase do conto máis terrorífico de todos os que imos citar nesta nova entrada. A bruxa regañadentes vive nunha casa vella no medio do monte. Unha noite fría e escura recibirá a visita de tres nenos... que non saben ben onde se meten. Ademáis da portada do conto, deixámosvos o video-conto elaborado pola CRTVG e OQO para a coleción Os contos do camiño.

A FIGUEIRA DE PELOSTORTOS

OQO é a editora de A figueira de Pelostortos, un conto de Ana García Castellano e Mikel Mardones. Pelostortos é un home de terrorífica presencia, que custodia unha figueira da que afasta a todos os nenos/as a través da ameaza e o medo. Chegará un día en que os nenos lle fagan sentir ese mesmo medo ó propio Pelostortos.

Deixámosovos ademáis da portada do conto, dous videos onde se narra este conto. O primeiro realizado polo CPI Uxío Novoneira, e o segundo, unha animación con plastilina do CEIP Ponzos.


SEÑOR RAMÓN E SEÑORA RAMONA

Beatriz Montero e Leire Salaberría son as creadoras de "O señor Ramón e a señora Ramona" editado por OQO. Trátase dun conto no que se narra a historia dunha parella que atopándose na cama, escoitou un misterioso ruído que proviña da cociña... Que medo!! Que sería ese ruído?
Deixámosvos a portada do conto e 3 videos. Neles poderemos atopar un videoclip creado polo CEE Vilagarcía de Arousa, unha curtametraxe muda versionando o conto, e un contacontos desta historia.


CARABUÑAS

"Carabuñas" de OQO e creado por Margarita del Mazo e Charlotte Pardi, narra as aventuras e tamén desventuras dun monstruo chamado Carabuñas. Carabuñas é o terror das noites, nas que lle encanta baixar ás vilas dende a súa casa no monte, para comer nenos e nenas. Todo cambia a noite en que coñece a unha pizpireta rapaza que lle dará a volta ó conto.
Deixámosvos a portada do conto, asi como o video-conto elaborado polos rapaces do CEIP Coirón de Dena.


A MIN NON ME COMAS

"A min non me comas" de Margarita del Mazo e Vitali Konstantinov e editado por OQO, narra a historia dun neno moi valente que xa está farto dun monstruo que visita cada poucas horas a súa habitación.


FIZ, O COLECCIONISTA DE MEDOS

Este conto obra de Fina Casalderrey e Teresa Lima e editada por OQO, narra a historia dun neno que decide deixar atrás todos os seus medos. Trátase quizais da máis complexa das obras aqui recollidas. E referímonos por complexa da cara a comprensión dos nenos e nenas de 3, 4 e 5 anos. Será labor do narrador facerllo entender e que o desfruten.


PEGADAS XIGANTES

"Pegadas de xigantes" é a obra de Fernando Krahn para a editora KALANDRAKA. 

A misteriosa aparición dunhas pisadas xigantes na neve da aldea marca o inicio da historia. Unha historia que manterá en vilo ós máis pequenos imaxinando cal pode ser o monstruo xigante que se agocha tras esas pisadas.

 

 

Estas foron algunhas das nosas recomendacións literarias de cara ó Samaín. Agardamos que as desfrutedes. Lémonos na seguinte entrada.

 

ACTIVIDADES SAMAÍN 2017

Durante todo o mes de outubro, os nenos e nenas da nosa aula, estivemos facendo diferentes actividades relacionadas coa celebración do Samaín. Non se tratou tan só de facer obradoiros temáticos relacionados co medo, se non que decidimos facer do medo e do Samaín, o noso centro de interese, o eixo ao arredor do cal xirou a nosa aprendizaxe.

No presente curso a nosa aula atópase estructurada nun total de 4 recantos de traballo, ós que se suman outros 3 que se relacionan cos xerais.

Atopamos na aula un recanto adicado á EXPRESIÓN ARTÍSTICA, outro adicado á LÓXICA MATEMÁTICA, outro adicado ó ACHEGAMENTO Á LECTURA E A ESCRITURA e outro adicado á adquisición de AUTONOMÍA E O DESENVOLVEMENTO DE HÁBITOS.

Estes 4 recantos son os espazos nos que a diario os nenos pasan a maior parte do tempo e por onde rotan cada día da semana. A estes catro espazos súmanse outros 3, o recanto da BIBLIOTECA, o recanto do XOGO e o recanto das TICS. Estes 3 recantos complementan o traballo a desenvolver nos 4 anteriores a diario.

Pero centrémonos no que realmente vimos a tratar... o SAMAÍN. Catro semanas completas ten outubro e 4 semanas decidimos adicar a este centro de interese. Cada semana iniciase coa chegada á aula dun elemento ou dunha personaxe que nos esperta certo medo. A partir deste elemento motivador desenvolveranse durante toda a semana as actividades nos diferentes recunchos.

Os elementos motivadores seleccionados polos nenos/as nunha asamblea na que falamos dos nosos medos foron... os MORCEGO, as MOMIAS, as PANTASMAS e as MEIGAS.

A continuación describimos diferentes actividades desenvoltas a partir dos centro de interese das PANTASMAS e as MOMIAS.

PANTASMAS

1. Recanto dos artistas: Estampación sobre cartulina con esponxa dunha pantasma. Completamos a manualidade escribindo a palabra "pantasma" na base do traballo, e colocandolle os ollos. Non comeza nen remata o traballo coa estampación. Son os nenos/as os encargados de recolectar o material necesario pola aula, verter a pintura, empapar as esponxas... E unha vez rematado o obradoiro, encargaranse de limpar esponxas, platos e mesas, e de reubicar o material empregado no seu lugar de orixe.

2. Recanto da lóxica-matemática: Os nenos/as deste recanto descobren un particular castelo onde viven agochadas unhas pantasmas moi pintorescas. Pintorescas porque son de cores, ainda que a perderon, e debemos axudalas a recuperala. A base da actividade impresa recolle as cores das pantasmas e cantas hai de cada cor. Finalmente facemos reconto xeral de todas as patasmas agochadas no castelo e escribimos o número correspondente na zona indicada.

3.Recanto do achegamento á lectura e a escritura: Recoñecemos na pizarra dixital a palabra PANTASMA entre un pequeno listado onde aparecen outras palabras. Unha vez atopada a palabra indicada, utilizámola como apoio visual para estampar con sellos as diferentes letras que a compoñen. Unha vez completamos a palabra PANTASMA cos sellos debuxámola, sen ningún tipo de modelo de por medio, dando vía libre a que cada neno/a nos ensine como é para el/ela un ser tan misterioso.

4.Recando da autonomía: Os nenos/as teñen a misión de elborar unha misteriosa brebaxe que nos permita convertirnos en pantasmas. Para este fin empregarán xerras, probetas, auga e tinte alimentario. Os rapaces/zas implicados nesta tarefa, deben acudir á zona da aula onde poidan recoller auga e encher as súas xerras. Unha vez de volta á zona de traballo, deben encher as súas probetas ata a medida especificada nun cartón previamente polo mestre, traballando asi diferentes números e distintas cantidades de auga. Unha vez vertida a auga ata a medida exacta, deberán tintar a auga coa cor mencionada no cartón. Unha vez obtidas todas as medidas e cores, deberán facer a mistura final para poder obter a pócima máxica que nos convirta en pantasmas.

MOMIAS

1. Recanto dos artistas: Elaboramos bocatas de momias. Os nenos e nenas empregarán para este obradoiro de cociña creativa... pan de molde, queixo fresco, queixo en lonchas e aceitunas. Para realizar a momima os pasos a dar serán os seguintes:

-Untamos queixo fresco no pan de molde.

-Facemos tiras de loncha de queixo.

-Colocamos as tiras de queixo sobre o pan de molde co queixo fresco.

-Troceamos unha aceituna en dúas partes.

-Colocamos as aceitunas a modo de ollos sobre o pan de molde. 

2. Recanto da lóxica-matemática: Unha momia visitou o noso rincón e na súa visita deixou olvidadas algunhas das súas vendas. Recollemos as vendas, contamos cantas deixou atrás, e empregamos reglas para medir a lonxitude de cada unha delas. Anotamos sobre as vendas as medidas observadas na regla. Escollemos a venda máis longa para escribir o noso nome. Contamos as letras do noso nome e o dos compañeiros de rincón, quen ten máis letras? quen ten menos?

3. Recanto de achegamento á lectura e a escritura: Escribimos a palabra momia con lápiz e compoñémola empregando pegatinas do abecedario, selecionando as letras necesarias para completar a palabra plantexada. Identificamos cal e a letra que se repite e cantas veces o fai.

4. Recanto da autonomía: Levaremos a cabo un obradoiro de expresión artística na que o importante vai a ser a obtención do material necesario para a súa execución e a súa preparación. Necesitamos misturar auga e cola, recoller pinceles e vasos, preparar cartulinas e trocear papel de baño. Unha vez reunido e ubicado todo o material, comezaremos unha actividade onde sobre unha cartulina, craremos unha momia. Necesitaremos á súa vez colocarlle uns ollos, polo que empregaremos as técnicas do picado e o recortado.

Estes son algúns exemplos das actividades levadas a cabo na nosa aula. Aínda quedan por diante outras moitas.

Gracias pola vosa lectura e que teñades un máis que terrorífico SAMAÍN...

PROXECTO MUSICAL PARTE I (ABBA)

Comezamos o proxecto musical cun grupo mítico da música pop europea. Trátase dos suecos de ABBA.

Comezamos este pequeno proxecto adicado a ABBA coñecendo unha das súas cancións máis míticas... "Waterloo". Vendo o videoclip desta canción descubrimos que son 4 os compoñentes do grupo sueco, 2 homes e dúas mulleres, realizamos así a nosa primeira suma.
 Debuxamos os integrantes do grupo (repasando o esquema corporal), subímolos a un escenario a través dun obradoiro de expresión plástica, e compoñemos o seu nome con letras de pegatina.

Outra das cancións que coñecemos de ABBA foi "Chiquitita". A partir desta canción comezamos a traballar os conceptos de "grande" e "pequeno", facendo alusión tamén ás medidas intermedias, o concepto de "mediano". Levamos a cabo diferentes actividades impresas relacionadas con estes conceptos, e xogamos a clasificar e ordenar diferentes materiais segundo o seu tamaño. Clasificamos Matrioskas, pesos, palliñas, bolas...

 

PROXECTO MUSICAL (PRESENTACIÓN)

Comezamos un proxecto encamiñado a coñecer diferentes músicos, artistas, compositores, cantantes... do pasado e do presente. O proxecto iniciouse dende os fogares dos nenos e nenas da nosa aula. As familias foron as encargadas de aportar os artistas a través dos cales viaxaremos e nos servirán para seguir aprendendo.

Durante o desenvolvemento deste proxecto traballaremos os seguintes artistas:

1.RAPAHEL.

2.LUIS FONSI.

3.ESTOPA.

4.TINA TURNER.

5.PABLO ALBORÁN.

6.ENRIQUE IGLESIA.

7.MARC ANTHONY

8.JOHN HENRRIK FJÄLGREEN.

9.FREDDIE MERCURY.

10.ELVIS.

11.ESTRAWBERRY MILK

12.U2.

13.ABBA.

14.NIRVANA.

15.SHAKIRA

 Ó longo deste proxecto traballaremos diferentes contidos e coñeceremos distintos tipos de música, Pop, Rock, Suomi, K-pop...

ACHEGÁNDONOS Ó MUNDO DOS CONTOS POR PRIMEIRA VEZ...

Temos unhas cantas propostas para facervos sobre contiños que podemos utilizar para introducir a nenos e nenas do primeiro ciclo da Educación Infantil no mundo da lectura.

Estamos falando dunha fase na que podemos contribuir a que os máis pequerrechos se interesen por primeira vez polo mundo dos contos, e se acheguen así dende ben cedo á literatura. Para moitos serán de sobra coñecidas as obras citadas a continuación, pero para outros será "a súa primeira vez", si é que non se nace aprendido, e sempre hai cousas que se descoñecen, e para iso estamos aqui... para compartir.

DO BERCE Á LÚA (KALANDRAKA)

"Do berce á lúa" é unha colección de libros editados pola editorial Kalandraka. Son un total de 8 títulos os que compoñen esta selección. As súas ilustracións resultan moi potentes, simples e chamativas para os máis pequenos. Debuxos claros e cores rechamantes envolven as poucas palabras que compoñen o texto de cada páxina, texto redactado cun tinte poético.  Estes contos son obra de Antonio Rubio e Óscar Villán, e o seu prezo ronda os 7 euros por unidade.

COCODRILO

CINCO

 LUNA

VIOLÍN

  

ÁRBOL

MIAU

ZAPATO

PAXARIÑA DE PAPEL

CARACOIS (OQO)

Caracois é unha colección composta por un total de 5 co contos que teñen como nexo de unión a un caracol, o protagonista das 5 historias. A través destes pequenos relatos os nenos coñecerán as aventuras dun pequeno caracol e algúns dos seus amigos, Vermiño, Formiga e Caracola. 

Estes 5 contos son obra de Armando Quintero e André Letria. 

Oqo elaborou tamén diversos curto animados onde se da vida ó relatado nos cinco contos. 

 CARACOL E VERMIÑO

CARACOL E CARACOLA

CARACOL E FORMIGA

E ampliando a colección ...

CARACOL E SALTÓN

AMIZADE DE CARACOL

CONTO CINCO SENTIDOS (OQO)

Oqo editou no 2012 e despois do éxito de "Caracois" unha nova colección de libros dirixida ós considerados prelectores, os pequerrechos e pequerrechas de 0 a 3 anos. "Conto cinco sentidos" é unha colección de 5 contos onde se narran 5 historias diferentes. En cada unha delas un dos órganos dos sentidos será o protagonista.

Esta obra faise realidade grazas a José Campanari e Simona Malazzani. De novo, textos curtos, imaxes creativas e rechamantes, para centrar a atención do neno/a con gran facilidade.

TODO EL MUNDO VA... (EDELVIVES)

O indio vai, a princesa vai, a mamá vai... a onde irán?? "Todo el mundo va" é un conto editado por Edelvives baixo a autoría de Emilie Jadoul. Resulta ser unha obra moi efectista para a súa lectura ante nenos e nenas do primeiro ciclo da Educación Infantil. En poucas palabras, con debuxos moi simples e coloridos, este conto ten a capacidade de contarnos unha historia dunha forma moi sinxela. Este conta ensínalle ós nenos e nenas a ir ó baño, demostrándolles que... "todo o mundo vai".